1. 去中國內地簽賬點揀卡？
去中國內地碌卡，帳面回贈率唔係重點 —— 扣完外幣手續費之後淨返幾多先係。 大部分香港信用卡外幣簽賬要俾約 1.95% 手續費， 所以一張帳面 8% 但免手續費嘅卡，實際好過一張帳面 10% 但要俾 1.95% 嘅卡。
下面個排名已經幫你扣咗每張卡自己嘅手續費，按淨回贈排。 呢個榜同 排行榜 即時同步，唔會過時。
2. 去中國內地信用卡淨回贈排行
🏆 去中國內地即時排名 Top 15（淨回贈）
已扣除各卡外幣手續費。榜上包括通用海外卡同人民幣專屬優惠，其他國家專屬嘅規則唔會計入。
點解有啲卡去邊個國家都上到榜？因為好多高回贈係「海外實體店」通用優惠（例如 WeWa 銀聯鑽石卡、滙豐 Travel Guru 系列）， 唔限國家。真正中國內地專屬嘅玩法喺下面第 3 節。
3. 中國內地專屬玩法
呢幾張卡嘅優惠只限中國內地／人民幣，去第二個國家用唔到。
免外幣手續費（0%），所以 10% 就係實收 10%，係全港淨回贈最高嘅人民幣玩法。要開人民幣戶口，月上限回贈 $400。
用 BoC Pay+／雲閃付／Apple／Samsung／Huawei Pay 喺內地畀錢，8% 兼豁免外幣費。需登記，月上限簽 $1,316。白金卡版本係 4%。
2% 基本 + 額外 6%。需登記，每階段簽滿 $1,800，額外回贈上限 $300／階段。銀聯外幣費只 1%，淨賺 7%。
免手續費，冇月簽門檻、冇上限，最適合大額但唔想夾條件嘅人。
4. 仲可以疊咩推廣
上面個排名已經計咗每張卡自己嘅限時推廣（榜首幾張本身就係推廣期優惠）。 下面呢啲係另一層嘅銀行推廣，可以疊喺你張卡本身嘅回贈之上。
實體店每階段累積簽 $5,000 享高達 6%，銀聯雙幣卡再額外 2%。推廣至 2026/12/31，分兩階段，需登記。
每曆月喺內地以人民幣累積簽賬淨額滿 HK$1,200，當中餐飲額外 3%，每月上限 $80（即餐飲簽約 $2,667 封頂）。需 Reward+ App 登記，至 2026/12/31。可疊上面滙豐卡嘅 Travel Guru。
要將 AE 卡加入「內地」支付寶／微信支付（唔係 AlipayHK／WeChat Pay HK），App 登記，至 2026/12/31。⚠️ 內地錢包可能收信用卡手續費，計淨數前先睇清楚。
⚠️ 點解唔直接寫「疊完係幾多 %」？因為每個推廣有自己嘅登記期、簽賬門檻同回贈上限，而且好多只限特定類別 （例如餐飲、酒店、增值），唔係你去嗰個地方所有簽賬都食到。 夾硬報一個總數會令你以為成程都有咁高。撳入去睇條款先落決定。
5. 去中國內地要留意
- 銀聯卡喺內地接受度最高，而且人民幣結算多數免或只收 1% 外幣費 —— 呢個係內地同其他國家最大分別。
- 好多內地商戶只收手機支付。但要留意：微信支付同支付寶（內地錢包）計唔計，各卡條款唔同，綁之前睇清楚。
- 內地部分商戶會問你用人民幣定港幣結算 —— 一定要揀人民幣，揀港幣即係 DCC，匯率差兼多數冇回贈。
❓ 常見問題
去中國內地用邊張信用卡最抵？
睇你行邊條路。想要最高淨回贈：信銀國際大灣區雙幣卡人民幣單筆滿 ¥4,000 有 10%，而且免外幣費，即係實收 10%。想簡單啲：滙豐銀聯雙幣卡內地／澳門 4.4%，免手續費、冇門檻冇上限。用手機支付：中銀 Go 銀聯鑽石卡內地手機簽賬 8%（需登記）。
內地一定要用銀聯卡嗎？
唔一定，但銀聯有兩個實際好處：接受度最高（好多細商戶唔收 Visa／Mastercard），同埋人民幣結算多數免或只收 1% 外幣費。Visa／Mastercard 收 1.95%，同樣帳面回贈率之下會蝕近一個百分點。
去中國內地碌卡，銀行收幾多手續費？
大部分香港信用卡外幣簽賬收約 1.95%（當中約 1% 係卡組織嘅跨境費，其餘係銀行加收）。銀聯卡通常只收 0–1%，部分卡喺推廣期直情免收。所以比較嘅時候一定要睇扣完手續費嘅淨回贈，唔好淨睇帳面回贈率。
結賬時問我用人民幣定港幣，應該揀邊個？
一定要揀人民幣。揀港幣即係俾商戶做 DCC（動態貨幣轉換），匯率由商戶嗰邊定，會加 3%–18% 溢價，而且 DCC 交易喺大部分信用卡完全冇回贈 —— 即係你辛苦揀嘅高回贈卡會變 0%。
幫助更多人找到最適合的信用卡