餐飲信用卡回贈排行

🇯🇵 AEON WAKUWAKU 網購同日本雙 6%｜日本回贈由 3% 升級，無最低消費

2026/9/1-2027/2/28 新獎賞計劃：網上簽賬 6%、日本簽賬 6%（由 3% 升級）、本地餐飲 1%，其餘無上限 0.4%。不設最低消費，永久免年費。⚠️ 但三個加碼類別**共用**每月結單周期 $200 額外獎賞上限 —— 即係網購同日本加埋最多簽 $3,571 就打爆，唔係各自 $3,571。日本簽賬要以日元完成，揀港幣結算（DCC）唔計。

🍽️ 滙豐最紅簽賬獎賞 · 中國內地｜餐飲額外 3% 獎賞錢（每月上限 $80）

滙豐內地餐飲簽賬優惠延續！2026/7/1-12/31，Reward+ App 登記後，每曆月喺中國內地以人民幣累積簽賬淨額滿 HK$1,200，當中餐飲簽賬可享額外 3% 獎賞錢，每月上限 $80（即餐飲簽約 $2,667 爆頂）。⚠️ 需登記且登記前簽賬唔計；大前提係間餐廳肯收信用卡。Pulse 銀聯雙幣卡另有人民幣免手續費 + 流動支付額外回贈。

💪 DBS Eminent 健身室 5% 回贈｜邊間 Gym 食得到？邊間食唔到？

DBS Eminent Card 宣傳健身中心簽賬可享 5% 回贈，但唔係每間 Gym 都食得到！要留意：① 要入 DBS Card+ App 手動登記；② 同「餐飲」共用每月 $8,000 quota；③ 單筆需過 $300（大部份 Gym 月費都過到）。小編幫你整理邊幾間 Gym 合資格，邊幾間因 DBS 商戶分類問題而食唔到。

🔥 中銀 Visa「狂賞派」下半年｜7大類別簽賬高達 5% 回贈（紅日 5%/平日 2%）

中銀 Visa 信用卡「狂賞派」2026 下半年續期！7大類別（電子產品/醫療/餐飲/機票酒店/珠寶服飾/寵物生活/休閒娛樂）本地實體店 + 網上簽賬，紅日 5%、平日 2%，每月最高 $680、全期 $4,080。玩法同上半年一樣，但要重新登記（登記期 7/1–11/6，首 60,000 名）。可疊加 SOGO 卡手機 5.4%、Cheers 卡餐飲 4%、Bliss 卡網購 4%！